Tamazirt
Tamazirt inu kmmin a taqburt.
Tamazirt inu kmmin a tamqrant..
Tamazirt inu asarag n iman inu..
Tamazirt inu abaraz n tdrfit inu.
Tamazirt inu agad n tutlayt inu..
Tamazirt inu a yasunfu tghsa inu
Kmmin aygan kraygat i nkki..
Ur sar km ttur a tamazirt inu
Acku kmmin aygan tudrt inu..
Ur adajgh mayran akm ibrri...
mlad is ka nsku taghnsa.
rikan tamatart is nga tarwa
rikan as ransku imal
imal ighudan a tamzirt inu

ass:21-01-2011 timsourt
yurat: mokhtar elfryadi ma yaghn afgan

zgh lligh mzzigh ad ttinnigh
max ma yaghn afgan
ar itZi ar itmagh..
ar dighn ak giss iga tudrtnss
ar dighn ak iks ixf
zgh llir mzzigh ad ttinnigh
max mad yaghn afgan
ikka tammara,ikka takrrayt
yikka timizar n ugns ula brra
ar ittazla aylligh irmi
zgh lligh mzzigh ad ttinigh
max mad yaghn afgan
ittu yak mad iga
ittu yak magh illa
ittu mad iwala
ittu yak mani ira
zgh lligh mzzigh ad ttinigh
max ma yaghn afgan
aylligh aylligh sngh
aylligh zrigh
aylligh slligh
aylligh aylligh.
sngh izd taghnsa
adas iskrn ghikan
sngh izd anzgum
adas izzadn ixsan
sngh izd tayri
ad iktarn ul ns

yurat:lmoukhtar elfryadi
bouizakarn ass 02/05/2010

izug walli righ
Isgasn f isgasn ad sujadgh
I slam nnun a yafus
Isgasn f isgasn ad srjugh
Ad luh tiTT inu fllak
Isgasn f isgasn a srun tqlgh
A walli in fllati yagugn
Tirimtt n a tasa ula kyyin a yull
Taggugt yyi ur akun zrragh
A kada d yan ad imuddan
Flnd amarg ns ar izzad ixsan
Akada d yan ad izugn ttun agh
Izug i tgmi ula walli tn iran
Macc nkkin ura tn ttugh
Acku tasa d ull attn ira
Iqqand a gitun saqqsagh
Tugt n usgas adlah lakhbar nk


biografia:
Mokhtar Elfryadi Amnay, ilul gh timsourt ldruf n bouizkarn, asgwas n 1992,, ar itara tamedyazt s tamazight, tutlayt n izuran n tamurt nns gh izelmd n ifriquia.
Tannemirt

mokhtaramnay@gmail.com