BAB N WAẒA
Tarezzift i yiman n Meεtub

Fafa a bab n waẓa!
Ul-nnek imxuzza.
Ill n tkerkas ittey-ak,
Xub n waḍu d umkurar,
Kerfen-ak anelli s usɣan
Tged agujil g tillas.
Fafa a bab n waẓa!
Ul-nnek imxuzza.
Tgid afukal n tektiwin
Ur ittawsen ɣas wiyyaḍ;
Iwta-k butellis aderɣal
Taɣed-nn tiwririn d urwas
Fafa a bab n waẓa!
Ul-nnek imxuzza.
Akal-nnek inza s tmuzunt,
Ikka ɣifes bab n wayra.
Tamurɣi d-iddan g uneqqer
Tuwi-d tamara d issiwṣeṭṭa.
Fafa a bab n waẓa!
Ul-nnek imxuzza.
Udjan-k s laẓ d yirkan
Ar tesslad iselliwen
D winna mḍelnin,
Ar digek tteṣṣan medzen cigan.
Fafa a bab n waẓa!
Ul-nnek imxuzza.
Tgid azwar ɣur imussa
Ikan idammen ɣif timmuzɣa
Ar kerrzen uddur d tlelli
Tirid ad tmegred taxwemmast assa.
Fafa a bab n waẓa!
Ul-nnek imxuzza.
Taxendallast n Jamal d Ḥusin
Tzuzzer-ak iɣed a Yuba;
Tamart d tẓilla d tqunjella
Uwint-k ad tged taqweryant.
Fafa a bab n waẓa!
Ul-nnek imxuzza.
Iṭṭaqes udɣar n wul
Tekmeḍ tasa s tmukras.
A Tamazɣa mayed am-giɣ
Allig tɣwebbred tudert-inu?
Fafa a bab n waẓa!
Ul-nnek imxuzza.
A tudert irẓagen, mayed am-igan
Areẓẓum, εniɣ ur ta nessin!?
Ay asirem kk-i-d tasga
Is ur ittsadda xla usekka!
Fafa a bab n waẓa
Ul-nnek imxuzza.
Iẓleg-i usefru-a inna-yi:
\'Uru! ul-inu ixater ur inyama!\'
Γas qqis-i tidet d mayed illan
Tinid i Umaziɣ ad yuru!
Fafa a bab n waẓa!
Ul-nnek imxuzza.
Seg ḍart wassa tedda tawda,
Tirra bugejdi n ufafa,
Maka xir-ak tirra s trekta!
Tutlayt-nnek tella g tazwara.
Fafa a bab n waẓa!
Ul-nnek imxuzza.
Tagrawla, ay asafar n wul-inu,
Γas ilaq ad nemsasa a tasa
Nini mantur tameɣra.
Fafa a bab n waẓa!
Ul-nnek imxuzza.
Uḥleɣ aẓẓiḍer, mayed tteggaɣ?
Tidderɣelt tella dinna nekka;
Wiyha xla, mantur nettfafa?

Mesṭafa TUELI
Rrbaḍ g warim 21 abril 2009
g 20 :32

Biographie:
TOUALI MOSTAPHA né a TIZI N IMNAYEN [ IGWELMIMEN] le 06/01/1981 titulaire du diplome du technicien en informatique de gestion

yugerten25@yahoo.fr