1]AHA YMA
Aha yma A k-iniγ awal
Γas awit g uqllal
Tamara γifk t-kka
Tader am umtna
Tz\\\'ziderd ancta
ur fellak tγima
T-kssed aderbala
Attalid saflla
Aha yma A k-iniγ awal
Γas awit g uqllal
Tamazirt nek adurt tettu
Ku tikelt teddu
Tawid arraw nek kullu
Adissin akal dammzwaru
Dihidas d warru
D kul mayd igan burku
Aha yma A k-iniγ awal
Γas awit g uqllal
Ured yad am dilliγ g tgam
ini ur tamum
Gak tinin ur tbunam
Ula am ufgan tgam
Awal nun daysgmgam
Ur i t-fham
Awdiyan maytnam
Wala mas tddam
Aha yma A k-iniγ awal
Γas awit g uqllal
Adur tkbal tagula
Ula tarula
Hat nammu hat nlla
Adur znzat s-r\\\'xa
Uddur ula Tirruyza
hamid ajaoute 18/04/2006

2]SSADD-AT
Ur ttasid agatu
Ula acmammu
Ad talid γef uγenbu
Ad tiniyed abadu
Lud\\\'a d usaru.
Hat γas g uh\\\'anu
Ag ak-illa ubaxxu,
Idda-d, qad d-igulu
Is as tgid almu
Ixiter ad yumu.

Mer teh\\\'d\\\'id agensu
Teqqned ma igan axbu
Tessiγed asafu
Teggafid i leєlu
Ad tafed leєdu
Illa γas g umalu
Ar issa aneddu
N tfunasin wala aγu.

Amaziγ, ur tgid win isurifen
Ad tezrid igran-nnek d ifuh\\\'ih\\\'en;
Ar digsen ttehd\\\'aren
Gar medden d iwedh\\\'ah\\\'en.
Imran-nnek, hat rz\\\'an,
Ula mayed ten-ihezzan!

Ic\\\'ac uzmez i uzwu.
Ad ur kkat h\\\'erribu!
Waxxa da ittbukku
Usidd-nnec isul ad ih\\\'lu.
hamid ajaoute 01/11/2006

3] UR N-ZELLA
Meqqar ak-gan tamaddit
Ad terẓemd i tmagit,
Ad ur k-ttameẓ tergagit!
Akarif, ddu bbi-t!
G-t d amm twargit
S dat, ddu s afella awi-tt!
Ẓer igenna, ṭfur titrit!
Abrid, hat tessuddid-t.

Han wa ur idd zund winn
Hat g winnec ag uwin
Imaziγen, ur idd is bbin;
Irizen, ur idd is ur llin
Ula d is ur cwin,
Tiwizi ayed ur ssinen;
U ma abrid, ad t-zzrin
G uynna g ur djin kkin.

Ferḍat abrid is llan,
Imran-nnes γas dlan!
Rarat-t s ayenna kkan!
Ad iddu uḍar ur nyaman,
Ur kkaten ifikac ifednan.
Ssilyat tireggwin n waman
Ad kerzen ayt yigran
Amud mi γalen is t-nγan
Ad iger ifer iεlulan
Yarew ifsan ilin εtan
Yaγul uzγwer ayelliγ d-kkan.
hamid_ajaoute 01/12/2006

biografia:
Hamid Ajaoute
hamid ajaoute , ilul g unzul ugmid , tamazgha n uγelluy g 1970 .
t-ga tutlayet , tusna d tmaggit tamazight anezwum nes seg mayed illa .

amellagu@hotmail.fr