Tighri n yimezwura

Anwa aken id d-yessawlen
Menhut tighri-agi
Ahat kunwi tecfam
Wali-t
Ma yella ad t-ferzem leswat-nsen
Zigh d cuhada id d-yughalen
Seqsand amek nettidir ass-agi

Deg ubrid bedden asteqsi
yezwared Si Ɛmiruc
Idfer-it-id Belmhidi
Muqlet kan anwa wihin
Mebεid id d-yettcmumux
A wihin-a d Ɛebban
Seg lmaruk id d-yerza
A wihin yettazel kan
Arju din-a
Yerra aεjar γef wudem-is
Arju din-a
A nmuqlegh γer wudem-ik
Zigh d Ḥasiba
Deg ufus-is teswira n Ğamila

Anwi akken I d-yessawlen
Menhut tighri-agi
Rsas d abruri
Taεekkazt deg ufus-is
Aεudiw d aqlaqal
Uh menhu-k ay amghar-agi
Ya hesra ammi
Nekki d Ccix Ahddad
Wihin d Bubeghla
Ma yella d tihin d Lala Fadma

Uh!...
Annaγ temmuten
Nussa-d ghur-wen ass-agi
Nesfaqded γef tlelli
D Lezzayer εzizen
Aniwa kečč
Manhu-k
Nekk d Umerri
I kečč d Mira
Ma yella d wihin εeqletat
D Si Belqacem n At Ɛli
ghur-i teswira-s
Yerna ihekka-yi jeddi
Γef tighilt g Ulman
Mi yeffegh weεbar assen-nni

Uh a wihin acugher akken
Arju-t din-a
Serhet-as
Fsit-as lqid

Berka
Kečç din-a sussem
Ass-a d amezruy ara yhekmen
A wihin a d lqayed
Attas ig ijur γef medden
Γur-s ixmasen
Mazwer d εmalan
Ini-d
Ini-d menhu-t
Ɛenna-gh-k idamen yuzlen
Ɛenna-gh-k Ğerğer d Lasumam
Ɛenna-gh-k Stif d Xerraṭa
Xemsa urebεin ma yella m nettut ass-agi
Ini-d ah !...

Ɛenna-gh-k a ssif n Fransa
Waḥed usettin
Izwar-it rebεa uxemsin

Ɛenna-gh-k Ifri d tnin usettin
Mur yi-temilad

Wihin a mmi
Çcfu fel-as
Ur d-yussi deg Lqahira nagh deg Wağda
Ur d-iruh seg Fransa
Nan- yettalas da
Isem-is mechur ass-a
Yif ula d Ccuhada
D Ben Ali Chrif ay ayetma
Ahbib n Fransa
Fel-as tehkem lgirra ass-a

biografia:
Yazid Benhennou
Poète, artiste, militant des droits de l\\\'homme et de la cause berbère et du mouvement associatif, humaniste

amazigh27@hotmail.com