ييرس ؤفكان



رومي دغ- عذان يرساون

شم كيذسن-و-تعذوذ

-ن-زرف ءاثزغاث ئينم

ن-تسريام ثتروذ

ثذريذ سى كوطيفين

شي يتبارم شي يتموذ

زي واس ءاو-نضني

ءام- شام- ءام- مومزروذ

ثوكراذ -غ- رونينا

تشيارذ-س-سيذوذ

زارز ثيرج نم

ذ-مين كيذم ئيتونوذ

س-حيس ئيج-و-وار

ق-ذكوذ ئيك يتموذ

ينضني عاذ ءاداسن

ءاد-سيدن ءاصموذ

ماش غانك ئي رخزارث ئينم

يتبدان خيج ؤفوذ


ءانانف ون-زمار

تمسايث-خ- وغروذ

مين ذانغ يترجان يوعار

ن-شين مار نفوذ

ئيج يغزار ذك فوس ئينو

ونضني ءاثنموذ

اءذ-ئيصوذ ذي كرمام ئيشم رومي ثتروذ

شم ذي ئيراس ئينسوار

ءاتمغارذ ءاتامانوذ

شم تجيذ ءاتيريذ

ءاثن يواس ويذوذ

ءاذ-ئيسرودجي ووار ئينم

مين ثورجيذ ءاتسعذوذ

ماي 1997

ءار مجذور ءازكزا




مان ءاذير ئيتكيذ

ثيفريت ماني ثورج

م-ثكيذ بو-يفلر

م-ثزويذ ءايث عزا

رومي ثجيذ ثيفراز نك

ؤكرانت ءاثوورا

تسقسانت ئيمسبريدن

مان إبريذ ئييكا

روام ذا مقران

زايس ءانداح

نتاا تيطاوين-ن-تفويت

ئي نشنين مين –غ-نعن

ءاوار خاك-ذا- زيرار

ءارمجذور ءازكزا


فوذغ ذايك ءازري

جوزغ ذايك ثيمن

ئيسيغش غاري – ذا- نداف

ءامن –را- تامزغا

ثوسيد غارك- تمحضارث

ثوسيد ءار ثمزيذا


تفزاز ئي سيتمن

تمار ءاتزوا

شك تيكري ئينس

ءاثمكيت تذورا

سنج ئي ذمراون

تيذات اق توذا

ءانارز فوذ نغ

ءاناري تاوارا

ءاسنتي تيمق

ءانكار-ذا- ءاعق

يذرا سدو ؤشار

يرزفاذ ءااثوغرم

شتاء 95

تيسفاي وازري



ذي-تفويت

-ذو- نزار

ذ- واضو يتهيريون

ءاقايي تموذغ

ئيزران ئينو

ذا- ءازري و- يتنفيريرن

ءاذاياسن سريغ ثيرج

سي خرخان يسروجوين

ءامارو ئيبحرار-ن- سنت

زي رواج ذمين- ئيسههروجوين

ذي ثفويت

ذ- ونزار

-ذ-واضوا يتهيريون

تريخثن تيمق

ئيشتن سنج ئيثنضن

-ءاذ- ئيريونت ذا- ءاغبال

ئيتبوعن- ذي- نسيسن

-ءار- ءارش –ن- رازاغ

وني –و- يكيمن

ئيى تيريج- ذا- ءاسام

ءازواي ئيغموين



ذي تفويت

ذ- ونزار

ذ- واضو يتهيريون

سفيم- ذا- ذوقاز

خي شراون ئيسنفاين

ءاكرمثن ذا- نين

ئيذورار و- يتموتوين

ءاذبحان تزيوضي

زي ثفويين ءاي فذراون

تواذن مين سوين

ءاذمام ئيعقاين

زي- ثفويت

ذ- ونزار

ذ- واضو يتهيريون

فرنغ ءاسفرو ذا- إرشاش

ءاذ- إسار ئيمسبريذن

م- ثنايض تيسفراس

م- ثناج ئيخمراون

وا- ذيج ؤسقسي

ينضني عاذ تمثراون

1998

biografia:
Mohamed Souiki [Aswik]

محمد أسويق شاعر أمازيغي من المغرب شارك في عدة منتديات ثقافية ومهرجانات شعرية كما نال عدة جوائز تقديرية صدرت له مضمومتين شعريتين الأخيرة سنةأد يسرودجي ووال يستعد لإصدار دراسة في الشعر الامازيغي القديم
ودراسة اخرى في القيم الأمازيغية كما قد قبل للمشاركة في المهرجان الدولي للشعر العالمي بفرنسا سنة 2007





poete_66@hotmail.com